Wednesday, January 6, 2010
Tuesday, January 5, 2010
Tagapag-ugnay sa Dose
Ang unang pakikipanayam ni Arnold Divina sa Brgy 12 ay ginanap sa kapilya ng Victory Church ni Pastor Alima sa Thin Shell House na dinaluhan ng mahigit 20 tagapag-ugnay ng mga presintong nasasaklaw ng Thin Shell House, Kamada, Blk 11, 12, 15, at 16, noong ika-4 ng Enero 2010, 5:00 ng hapon.
Pagkatapos nito, nakipagpulong naman si Arnold Divina sa mahigit 20 tagapag-ugnay ng presintong nasasaklaw ng Blk 35, 36, 37, 38, at 39, ika-7:00 ng gabi sa bahay ni Ryan.
Dumalo rin si Arnold Divina sa luksang parangal sa huling gabi ng lamay ni P/B Eugene Rufino ng Brgy 27 na yumao nang wala sa panahon.
Sunday, January 3, 2010
Tagapag-ugnay sa Otso
Bilang pagkilala sa natatanging ambag ng mga Tagapag-ugnay sa Barangay 8, nagpasiya si Arnold Divina na dito gawin ang unang pulong para sa taong 2010, ika-3 ng Enero 2010.
Pinasinayaan ang serye ng pulong sa pamamagitan ng pagbisita kay Punong Barangay Vicky Madlangsakay sa purok Buklod ng Nayon. Higit isang oras silang nagpanayam hinggil sa maraming bagay.
Pagkatapos ng pakikipagsanggunian sa Punong Barangay, tumuloy na sa pulong ng mga Tagapag-ugnay sa Presinto si Arnold Divina na ginanap sa Sapang Saging, sa tahanan ni Nanay Doray. Dumalo ang higit 30 Tagapag-ugnay mula sa iba-ibang presinto.
Pagkaraan, tumungo si Arnold Divina sa purok Tupda Salamat Daycare hinggil sa pulong naman ng mga Tagapag-ugnay ng presintong nasasaklaw ng purok na dinaluhan din ng higit 30 Tagapag-ugnay.
Kapwa tinalakay sa pulong na iyon ang gagampanang tungkulin ng bawat isa at ibayong pagtutulungan upang makamit ang tagumpay sa halalang 2010.
Ang mga pulong ay inugnay at pinadaloy ni Nilo Villanueva.
Friday, January 1, 2010
Subscribe to:
Comments (Atom)
